اسئلة انت تقع فيها ترفع الضغط

أسئله ترفع الضغط

مثلا :-


انت الحين بغرفتك منسدح على فراشك ومطفي النور فجأه يدخل عليك
اخوك او اختك ويفتح الباب ويقولك بتنام ؟!! (لا بطير - اكيد بنام !!)
---------
انت لابس ومضبط وقاعد تمشي في البيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب كويس ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تذاكر .. يدخل عليك واحد من اهلك يقولك
(هاا قاعد تذاكر !! (لا افرش اسناني !! يعني ماسك الكتاب ايش اسوي اكيد ادرس)
-----------
انت الحين في الكافيه صدفه شفت واحد من ربعك او اهلك .. قالك هاا ايش تسوي هني !!
(ابيع ماي) !! لا تعليق
--------------------
لا وتعالو شوفوا قنواتنا العجيبه هما واسئلتهم !!

مثلا في العيد يقابلوا واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- ايش تقول لأهلك في العيد ؟ ! ! !

المواطن :- أقولهم كل عام وأنتم بخير . .

(( لا بيقولهم : منه المال ومنها العيال))

يعني السؤال تحفه والمذيع ومعد البرنامج اتحف على هالسؤال
------------------------
والأسخف المقابلات اللي تضيع وقتنا إذا قابلوا الاطفال , , ,

يقول المذيع للطفل :- أنت تحب ماما وبابا ! ! !

(( لا احبك إنت ووجهك)) سؤال عجيب الصراحه !!

----------------
برنامج مسابقات على الهوا :-

المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق عشان تشارك ليش تستأذن !! من كتر الأتكيت يعني)
--------------------

يعني اسئله عجيبة مثل ذي الاسئله ماشفت

يالله في أمان الله والله يحفظك من هذه الاسئلة



لحظة نسيت أسألك: قاعد تقرا الموضوع الحين ؟؟

ج: لا قاعد ابيع لبن!